Во Хрватска е во тек координирана акција за пребарување и спасување на четворица млади државјани на Португалија, кои исчезнале ноќеска за време на силно невреме во Велебитскиот канал.
Националната централа за усогласување на трагање и спасување на море во Риека, MRCC Rijeka, информира дека акцијата била покрената поради исчезнувањето на четири лица во исклучително неповолни временски услови.
Силна бура и бранови до три метри
Потрагата се одвива во услови на силни удари на бура и бранови високи до три метри.
Поради сериозноста на состојбата, MRCC Rijeka веднаш ја координирала акцијата со Лучката капетанија Сењ, Лучката капетанија Риека и Испоставата на Лучката капетанија Нови Винодолски.
Пронајден напуштен пловен објект
За време на потрагата бил пронајден напуштен пловен објект во близина на брегот на островот Крк.
Според описот, објектот одговара на чамецот што го користеле исчезнатите лица.
Засега нема дополнителни информации за нивната состојба, а акцијата за пребарување и спасување продолжува.
