На 14 октомври во Домот на културата Иван Мазов Климе во Кавадарци, во 18.30 часот, во организација на ХЕРА, ќе се одржи Форум Театар „Врски и односи во адолесценција.“
Форумот има за цел да отвори простор за интерактивна дискусија за предизвиците и придобивките од воведувањето на наставни содржини за подобар социјално-емоционален развој кај учениците и превенција од
насилство.
Овој театарски формат им овозможува на учесниците активно да се вклучат и да предложат решенија за реалните ситуации кои се појавуваат во контекст на здравствените, емоционалните и социјалните аспекти од сексуалното и репродуктивно здравје и права.
„Ве охрабруваме да земете учество и да ги споделите вашите идеи и искуства. Вашето присуство е од клучно значење за создавање на простор за дијалог, кој ќе придонесе кон градење на поинклузивна и информирана средина за сите“ велат од ХЕРА.
