ФИФА ја одби жалбата на Француската фудбалска федерација за поништување на жолтиот картон што го доби Мајкл Олис во натпреварот против Парагвај, па францускиот репрезентативец ќе настапи во четвртфиналето против Мароко со опасност од суспензија.

Доколку Олис заработи уште еден жолт картон во дуелот со Мароко, ќе го пропушти евентуалното полуфинале на Светското првенство, што претставува дополнителен проблем за селекторот Дидие Дешан.

Одлуката на ФИФА ја потврди и самиот Дешан на прес-конференцијата пред четвртфиналниот натпревар.

„Утрово ја добивме одлуката на ФИФА – картонот останува во сила“, изјави францускиот селектор.

Олис беше опоменат во победата на Франција над Парагвај со 1:0, по инцидент со противничкиот фудбалер Матијас Галарза. Од францускиот табор тврдеа дека нивниот играч воопшто не го допрел противникот и побараа дисциплинската мерка да биде избришана, но ФИФА не ја прифати жалбата.

Одлуката доаѓа само неколку дена по контроверзната одлука на Светската фудбалска федерација да ја поништи суспензијата на американскиот репрезентативец Фоларин Балогун, што предизвика бројни реакции во фудбалската јавност.