Голем шумски пожар го зафати грчкиот полуостров Халкидики, принудувајќи итна евакуација на стотици туристи и локални жители по морски и копнен пат. Повеќе од 400 лица веќе се безбедно префрлени до марината Сани со помош на приватни, противпожарни и грчки патнички пловила, додека автобусите интензивно сообраќаат кон загрозените населени места Сивири и Фурка.
Повеќе од 347 лица досега се безбедно транспортирани од Халкидики до марината Сани, додека уште приближно 92 патници се качија на патничкиот брод „Speedrunner Jet“.
Во спасувачката операција организирана од грчките власти учествуваат два брода на крајбрежната стража, две пловила на противпожарната служба, три рибарски и еден туристички брод, а помош даваат и приватни сопственици на пловни објекти.
Паралелно со поморскиот коридор, спасувачките екипи организираа и копнен превоз. Автобусите на локалната автобуска служба на Халкидики сообраќаат кон Сивири и Фурка за да ги земат граѓаните поради брзото ширење на пожарот во тој регион.
