Турција ќе ги заостри правилата за поседување оружје и ќе ги зголеми казните за сопственици чии деца ќе дојдат до огнено оружје, по трагичните пукања во училишта минатата недела, најави претседателот Реџеп Таип Ердоган.
Во еден од двата одвоени вооружени напади во југoисточната покраина Кахраманмараш беа убиени осум ученици и еден наставник, што предизвика шок во земјата каде ваквото училишно насилство е релативно ретко.
Ердоган истакна дека владата ќе преземе и дополнителни мерки за зголемена контрола на интернетот како дел од одговорот на овие инциденти, со цел подобро следење на ризични содржини и спречување на идни трагедии.
