Зад организацијата стои тимот на скопскиот клуб „Минус еден“. Според „Миксмаг Адрија“, дводневната програма ќе собере околу 30 домашни, регионални и меѓународни изведувачи.

Фестивалот е замислен како отворен простор за современата електронска сцена, без строги жанровски граници. Публиката ќе слушне сурово и хипнотичко техно, електро, неконвенционални синтисајзерски линии, скршени ритми, експериментални форми и повеќеслојни звучни текстури.

Меѓу меѓународните изведувачи се Matrixxman, Legowelt Live, Object Blue, Interstellar Funk и Adriana Lopez. Регионалната сцена ќе ја претставуваат Nevena Jeremić, Little Lu, Sev-Dah и Undoo.

На фестивалот ќе настапат и бројни домашни изведувачи, меѓу кои Stojche Cvetanovski, Herzel Live, Andrej Micajkov, Dushko Janevski, Vaso, Nastasya Kish, DJ Chvare, Diah, Bodan Jamakoski, L.O.V.D., Double G, Ivana Dragsiq, UX, Daphunk, Iman Yam, Dejan Dex, Chrisot, Martina Peneva, Martin Vojdanovski, Tomi Bojadzi, Shef Shef и Egorius.

Со два фестивалски дена во природен амбиент, „Кора“ ќе ги спои различните генерации и правци на електронската музика надвор од вообичаените скопски клубови.

Извор: Mixmag Adria