Независниот академски синдикат вечерва организира јавна дебата меѓу двајцата кандидати за ректор на УКИМ – актуелната ректорка проф. д-р Билјана Ангелова и проф. д-р Дарко Данев од Машинскиот факултет.
Дебатата е закажана за 18 часот на Институтот за хемија при Природно-математичкиот факултет, а академската јавност ќе има можност да ги слушне нивните визии и приоритети за иднината на универзитетот – со посебен акцент на квалитетот на наставата, научно-истражувачката работа и автономијата на високото образование.
