Македонското Собрание денеска го усвои предлогот да се продолжи кризната состојба во делот на енергетиката до 20 јули оваа година.
Кризната состојба почнува од 21 парил и практично се надополнува со веќе постоечката која беше донесена на 23 март.
Во образложението, пратениците беа информирани дека продолжувањето на кризата е условено од неповолната меѓународна безбедносна и енергетска состојба, по ескалацијата на конфликтот на Блискиот Исток и сериозните нарушувања во транспортот на сурова нафта, особено преку Ормуската Теснина, кој е еден од клучните светски енергетски коридори.
Според проценките на надлежните институции, по нападите извршени кон крајот на февруари годинава и последователното блокирање на поморските патишта, протокот на нафта низ Ормуската Теснина значително намален, што создава ризик од глобален недостиг и зголемување на цените, со директни последици и врз домашниот пазар.
