Регулаторната комисија за енергетика на денешната седница донесе одлука за нови максимални цени на горивата.
Согласно одлуката од вечерва на полноќ дизелот поевтинува за 2,5 денари, а бензините поскапуваат за 2 денари по литар. Намалување на цената од еден денар има и кај екстралесното масло за горење.
Согласно одлукатата, новите максимални цени ќе изнесуваат: еуросупер БС-95 – 82,50 денари за литар; еуросупер БС-98 – 84,50 денари за литар; еуродизел – 91,50 денари за литар; екстра лесно масло – 96,00 денари за литар; мазут – 46,656 денари за килограм.
Од РКЕ посочуваат дека ваквите корекции се резултат на движењата на референтните цени на светските пазари:
„Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,268%, кај дизелот има намалување за 3,760%, кај екстра лесното масло намалувањето е за 1,528% и кај мазутот има зголемување за 1,117%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,0452%“.
Како и досега, станува збор за максимално дозволени цени, што значи дека трговците можат да ги формираат и на пониско ниво.
