Организацијата Environmental Working Group (EWG) ја објави својата годишна анализа за 2026 година, позната како „Dirty Dozen“, која ги издвојува овошјето и зеленчукот со највисоко ниво на остатоци од пестициди на пазарот.
Целта на извештајот е да им помогне на потрошувачите да направат поинформиран избор при купување намирници, како и да проценат кога вреди да се инвестира во органски производи со пониско ниво на хемиска изложеност.
Според анализата, оваа година биле тестирани 47 различни видови овошје и зеленчук од конвенционално производство. Од нив, 12 биле издвоени како најзагадени со пестициди.
На самиот врв повторно се наоѓа спанаќот, кој покажал највисоко ниво на остатоци од пестициди по тежина. По него следуваат кељот, зелката, листовите од горчица, јагодите, грозјето, нектарините, праските, црешите, јаболката, купините, крушите, компирот и боровинките.
Особено внимание предизвикува податокот дека кај листовото зеленчук, како кељот, повеќе од половина од анализираните примероци содржеле траги од потенцијално канцерогени пестициди. Јагодите и праските исто така остануваат меѓу најчесто контаминираните овошја, додека јаболката се опишуваат како производи со остатоци од хемикалии кои остануваат и по бербата.
Боровинките, кои повторно се најдоа на листата, содржат траги од повеќе различни пестициди, што дополнително ја засилува загриженоста кај дел од експертите за безбедност на храната.
И покрај загрижувачките резултати, EWG нагласува дека целта на списокот не е да се намали консумацијата на овошје и зеленчук, туку да се подигне свеста за потенцијалната изложеност на пестициди и да се поттикне побезбеден избор на храна.
Како практична препорака, експертите советуваат темелно миење на овошјето и зеленчукот со чиста вода, а во некои случаи и со сода бикарбона, со цел да се намали присуството на површински остатоци од хемикалии.
