Цените на светскиот пазар на нафта бележат пад, при што референтната сурова нафта Брент се спушти под 99 долари за барел. Според податоци од берзите, Брент моментално се тргува околу 98,6 долари за барел, додека американската нафта WTI crude oil падна на околу 92,7 долари.
Падот на цените доаѓа во период кога инвеститорите внимателно ги следат геополитичките тензии и преговорите меѓу САД и Иран, кои можат да влијаат на стабилноста на снабдувањето со енергенси преку Ормускиот теснец.
Аналитичарите наведуваат дека пазарите реагираат на неизвесноста околу можен договор, но и на изјавите на американскиот претседател Доналд Трамп за потенцијална ескалација доколку преговорите пропаднат. На европските берзи се забележани мешани движења, додека истовремено се следат и другите енергенси и суровини, вклучувајќи гас и злато. Во наредните денови се очекува зголемена нестабилност на пазарот на нафта, зависно од развојот на ситуацијата на Блискиот Исток и глобалната побарувачка.
