Цените на нафтата во четвртокот останаа речиси непроменети, при што барелот на лондонскиот пазар се тргуваше за околу 85 долари, додека американската сурова нафта достигна цена од речиси 80 долари за барел. Пазарите и натаму внимателно ги следат односите меѓу САД и Иран, бидејќи секоја нова ескалација би можела да влијае врз снабдувањето со нафта преку Хормушкиот Теснец – една од најважните поморски рути за транспорт на сурова нафта во светот.

И покрај заканите и меѓусебните предупредувања, инвеститорите засега не очекуваат сериозен прекин во испораките, што придонесе цените да останат релативно стабилни.

Во меѓувреме, според податоците на Организација на земјите извознички на нафта (ОПЕК), референтната цена на нивната кошничка на нафти се намали на 84,39 долари за барел, што е за 1,77 долари помалку во однос на претходниот ден.