Светското фудбалско првенство влегува во завршната фаза. По возбудливите натпревари во нокаут-фазата, останаа само осум репрезентации кои ќе се борат за место во полуфиналето и шанса да го освојат најголемиот трофеј во светскиот фудбал.
Првиот четвртфинален натпревар носи дуел меѓу Франција и Мароко, кој ќе се одигра вечерва од 22 часот на стадионот „Gillette Stadium“ во Фоксборо, САД. Франција до четвртфиналето стигна по минималната победа над Парагвај со гол на Килијан Мбапе, додека Мароко продолжи со импресивните настапи и во осминафиналето ја совлада Канада со убедливи 3:0.
Покрај овој дуел, за место меѓу четирите најдобри ќе се борат и:
- Шпанија – Белгија
- Норвешка – Англија
- Аргентина – Швајцарија
Според анализата на суперкомпјутерот, најголеми фаворити за освојување на турнирот во оваа фаза се Франција, Шпанија и Аргентина. Четвртфиналето носи нови пресметки меѓу фаворитите и изненадувањата на турнирот, а секоја грешка може да значи крај на сонот за светската титула.
