Британскиот параолимпиец и ортопедски хирург Џон Мекфол може да стане првиот човек со физичка попреченост кој ќе живее и работи во орбита, во рамки на планирана мисија на нова комерцијална вселенска станица. Мисијата е поврзана со приватната американска компанија Vast, која ја гради малата вселенска станица Haven-1.

Станува збор за модерен објект кој треба да смести до четворица астронаути и ќе се користи за истражувања во услови на микрогравитација, како и за тестирање нови технологии. Договорот меѓу британската вселенска агенција и компанијата предвидува Мекфол да биде дел од екипаж кој ќе отпатува во орбитата со помош на SpaceX капсула и ракета Falcon 9, најрано по планираното лансирање во 2027 година.

Целта на мисијата е научна, да се истражи како човечкото тело, особено протетиката и адаптиранитеекстремитети, реагираат на услови во вселената. Овие податоци би можеле да помогнат во развој на понапредни и полесни протези, но и во подобро разбирање на мускулната атрофија и процесите на рехабилитација. Мекфол, кој го загубил десниот нога во несреќа во младоста, по спортска кариера во која освои и параолимписки медал, подоцна станал ортопедски хирург. Во 2022 година бил избран за дел од програмата на Европската вселенска агенција која испитува можност за астронаути со инвалидитет во долгорочни мисии.

Според него и поддржувачите на проектот, ова претставува значаен чекор не само за науката, туку и за општеството, бидејќи ги проширува границите на тоа кој може да учествува во вселенските мисии. Ако мисијата се реализира, Мекфол би бил првиот Британец во вселената по мисијата на Тим Пик, и симболична фигура за новата ера на поинклузивно и комерцијализирано вселенско истражување.