Светското првенство 2026 влегува во клучна фаза, а по драматичните натпревари од претходниот ден, веќе се познати нови патници во нокаут-руната. Босна и Херцеговина, Швајцарија и Канада обезбедија место во шеснаесетфиналето од групата Б, додека од групата Ц понатаму продолжуваат Бразил и Мароко. Во групата А, пласман меѓу најдобрите го изборија Мексико и Јужноафриканската Република, додека Јужна Кореја со три освоени бода сè уште се надева на место меѓу најдобрите третопласирани селекции.
Денеска следуваат нови возбудувања и конечни одлуки во три групи.
Во 22:00 часот ќе се играат натпреварите од последното коло во групата Е:
- Курасао – Брегот на Слоновата Коска
- Еквадор – Германија
По полноќ, во 01:00 часот, ќе биде комплетирана групата Ф:
- Јапонија – Шведска
- Тунис – Холандија
Во 04:00 часот на програмата се натпреварите од групата Д:
- Парагвај – Австралија
- Турција – САД
Посебно внимание привлекуваат настапите на Германија, Холандија и САД, репрезентации кои имаат високи амбиции на мундијалот. Воедно, исходот од овие средби ќе влијае и на конечниот пласман на третопласираните селекции кои се борат за место во нокаут-фазата.
Како што се приближува завршницата на групната фаза, секој бод и секој гол можат да бидат пресудни во борбата за продолжување на сонот за светската титула.
