Поради технички зафати, денеска (28 април) делови од Скопје ќе останат без вода, информира ЈП „Водовод и канализација“. Од 9 часот прекинато водоснабдување ќе имаат корисниците на дел од улиците „Дебарца“, „Владимир Полежиновски“ и „Стефан Јакимов-Дедов“ во општина Центар.
Во истиот период без вода ќе бидат и делови од општина Карпош, односно улиците „Париска“, „Варшавска“ и „Хелсинки“, како и СУГС „Георги Димитров“.
Прекин ќе има и во дел од општина Бутел – на улицата „Бутелска“ и во дел од населбата Бутел 1.
Од претпријатието информираат дека водоснабдувањето ќе биде обновено по завршување на санационите работи.
