Од ЈП „Водовод и канализација“ – Скопје информираат дека прекини во водоснабдувањето ќе има во неколку делови од градот. Поради изведување водоводен приклучок на улица 2 број 19 во Трубарево, без вода ќе останат корисниците од Трубарево. Прекинот ќе започне од 10 часот и ќе трае до завршување на работните активности.

Без вода од 08:30 часот ќе бидат и дел од корисниците на улиците „Франце Прешерн“ и „Влае“, поради изведување приклучок на улицата „Франце Прешерн“ број 92. Водоснабдувањето ќе биде прекинато до завршување на интервенцијата.

Прекин во водоснабдувањето од 09 часот ќе има и поради изведување водоводен приклучок на улицата „Иван Козаров“ број 2. Без вода ќе останат корисниците од улиците „Иван Козаров“, делови од „Георги Димитров“, „Вера Јоциќ“, „Божидар Аџија“, „Киро Крстевски“, „Мишко Михајловски“, „Боте Боцевски“ и дел од „Димо Хаџи Димов“.

Од јавното претпријатие најавуваат прекин и на улицата „Јани Лукровски“ број 8, поради промена на вентил. Корисниците од оваа улица ќе бидат без вода од 08:30 часот до завршување на интервенцијата.

Покрај прекините во водоснабдувањето, дел од корисниците во општина Ѓорче Петров денеска ќе останат и без електрична енергија. Според информациите од ЕВН Дистрибуција, во периодот од 09:00 до 14:00 часот без струја ќе бидат дел од корисниците на улицата „Македонска Преродба“, поради планирани технички интервенции во мрежата.

Од надлежните апелираат граѓаните навреме да ги прилагодат своите обврски, бидејќи дел од прекините ќе траат до завршување на работните активности.