Вашингтон и Техеран влегоа во директен воен конфликт по жестоките американски напади врз цели во Иран, на кои иранската војска возврати со ракетирање на 18 американски воени бази во регионот. Тензиите ескалираа откако Белата куќа соопшти дека ќе продолжи со бомбардирањето се додека Иран не го потпише договорот за нуклеарната програма, додека Техеран најави масовен отпор. Воените дејствија се закануваат целосно да го дестабилизираат Блискиот Исток

Иран возврати со ракети врз американските бази

Иранската револуционерна гарда истрела десетици балистички ракети насочени кон 18 воени бази каде што се стационирани американски војници во регионот. Според соопштението од Техеран, ова е директен одговор на претходните масовни воздушни удари од страна на американските сили. Иранските власти порачаа дека секој следен напад од Вашингтон ќе се соочи со уште пожесток воен одговор и дека нема да потклекнат пред воените уцени за потпишување на новиот меѓународен договор.

Пентагон најавува продолжување на воздушните удари

Од друга страна, американското Министерство за одбрана потврди дека воздушните напади биле насочени кон воени постројки и складишта за оружје во внатрешноста на Иран. Вашингтон јасно стави до знаење дека воената операција нема да запре додека иранската влада не ги прифати условите и не го стави својот потпис на договорот за контрола на нуклеарното оружје. Американските воени претставници во моментов ги проценуваат штетите и евентуалните жртви во ракетираните бази на Блискиот Исток.