Опфатот со вакцинација на децата против морбили изнесува околу 62 проценти, соопшти денеска министерот за здравство Сашо Клековски.

Тој, до родителите упати апел за поголема свесност и одговорно за да се спречи евентуална епидемија.

„Нашата цел е навремено да спречиме можна епидемија на морбили. Вакцините се најсигурната заштита од ова заразно заболување и затоа апелирам родителите да не ја одложуваат имунизацијата на своите деца, порача Клековски.

Потребата од зголемување на вакциналниот опфат е дополнително нагласена поради регистрираните случаи на морбили во соседните земји, велат здравтвените власти.

Оттаму, додаваат дека тие продолжуваат со внимателно следење на состојбата, координација со сите надлежни институции и навремено информирање на јавноста.