Земјотрес со јачина од 3,8 степени според Рихтеровата скала синоќа го погоди подрачјето на југоисточна Босна и Херцеговина, во близина на Требиње.

Според прелиминарните податоци на сеизмолошките служби, потресот се случил малку по полноќ по локално време. Епицентарот бил регистриран на околу 11 километри северозападно од Требиње и околу 72 километри југоисточно од Мостар, на длабочина од 10 километри.

Засега нема информации за повредени лица или причинета материјална штета.

Тресењето било почувствувано во поширокиот регион на источна Херцеговина, а поради близината на епицентарот, земјотресот го почувствувале и жители во делови од јужна Хрватска и Црна Гора.

Сеизмолошките податоци се прелиминарни и може дополнително да бидат коригирани.