Националната фудбалска репрезентација на Курасао, позната како „Синиот бран“ , ги привлече насловните страници откако пристигна на турнирот во класичен училишен автобус во американски стил, со гласна музика.
И покрај тоа што им беше понуден луксузен превоз, играчите и тренерот Дик Адвокат го избраа овој иконски автобус за да изградат тимски дух и да создадат трајни спомени
Курасао е најмалата нација во историјата на Светските првенства по број на жители. Со само 156 000 луѓе, малиот карипски остров кој е дел од Кралството Холандија го надмина рекордот на Исланд (352 000 жители на СП 2018) и засекогаш го запиша своето место во аналите на фудбалот.
На Светското првенство репрезенатацијата на Курасао е сместена во Група Е заедно со Германија, Еквадор и Брегот на Слоновата Коска.
