Некои од најголемите хитови во последните години, песните кои ги освоија светските топ листи, ги исполнија најголемите клубови и фестивали и заедно собраа милијарди стримови, пристигнуваат во регионов, на Егзитовиот фестивал „Си Денс”, кој започнува утре, 28 август, во Будва!
Ѕвездената екипа предводена од Хугел, Шарлот де Вите, Џон Њуман, Дара, Енрико Санџулијано, Борис Брејча, Бурак Јетер, Ху Си и Бед Копи носат хитови кои публиката одамна ги претвори во фестивалски химни, а песните само од оваа листа имаат неверојатен вкупен број од повеќе од 4,4 милијарди слушања.
Од планетарните денс сензации и електронски класици до регионалните хитови кои се пеат едногласно – Си Денс го носи саундтракот на летото кој едноставно не смее да се прескокне.
ХУГЕЛ, француската денс суперѕвезда и еден од хедлајнерите на Си Денс, доаѓа на Јадранот ова лето на крилјата на планетарните хитови! Неговиот актуелен сингл „Movin’ To The Sun” се искачи на првото место на „Билборд Денс Ерплеј” листата во САД, британската и европската ај-Тјунс листа, го достигна врвот на официјалните британски листи за продажба и преземање на синглови, па и дури шест недели беше број еден на Битпорт. Хугел моментно доминира и на глобалниот Шазам – „Movin’ To The Sun” веќе некое време суверено ја држи првата позиција, а „Jamaican (Bam Bam)” третата, што значи дека француската суперѕвезда држи дури две од трите водечки позиции. Неговите хитови имаат стотици милиони стримови на Спотифај, а „Movin’ To The Sun” веќе собра повеќе од 80 милиони преслушувања, заедно со милионите на Шазам. Од „I Adore You“, која се приближува до бројката од 700 милиони преслушувања на Спотифај, до „Jamaica (Bam Bam)” со повеќе од 180 милиони, HUGEL пристигнува во Будва со саундтракот кој ги одбележа последните две години. Си Денс на тој начин ќе биде домаќин на еден од најбараните танцови изведувачи на планетата – и хитовите што владеат на светските топ листи ова лето.
Два хита на британскиот хитмејкер Џон Њуман носат повеќе од две милијарди преслушувања. „Love Me Again“, песната што го лансираше меѓу најголемите имиња во поп-музиката, одамна надмина една милијарда преслушувања на Спотифај, додека видеото на Јутјуб има повеќе од 1,1 милијарда прегледи. „Blame“, соработката на Њуман со Калвин Харис, не помалку остави трага, која исто така надмина една милијарда на Спотифај и остана неопходен дел од големите фестивалски сетови со години.
На плажата Бечиќи пристигнува и песната што ја освои Европа пред неколку месеци доаѓа. ДАРА ќе ја донесе „Бангаранга“, актуелната победничка песна на Евровизија, со која постигна една од најубедливите победи во историјата на ова натпреварување. Од европската сцена до Си Денс, овој пат Бангаранга ќе го добие своето фестивалско издание пред публика на Јадранскиот брег.
Еден од најпрепознатливите техно моменти на последните години пристигнува со кралицата на техното Шарлот де Вит и Енрико Санџулијано. Нивната верзија на култната песна „The Age of Love” одамна ги надмина границите на андерграунд сцената и собра повеќе од 100 милиони стримови на Спотифај. Песната што речиси редовно ги предизвикува најјаките моменти на нивните сетови сега ќе одекне и на Бечиќи.
Маестралниот Борис Брејча го носи својот препознатлив хај-тек минималистички звук, а „Gravity” е меѓу песните што публиката најмногу ги очекува. Еден од неговите најголеми хитови се приближува до бројката од 100 милиони на Спотифај и со години држи посебно место во неговите настапи низ целиот свет.
Бурак Јетер во Будва го носи „Tuesday“, еден од најголемите денс хитови во последната деценија и вистински глобален феномен со повеќе од милијарда прегледи на Јутјуб и над 740 милиони Спотифај стримови. Песната што ги освои топ-листите во повеќе од 95 земји и одамна стана фестивалска химна, пристигнува на Си Денс во својот полн летен сјај. Заедно со „Tuesday”, Јетер ја носи и „Weekend“, соработката со Димаш, уште еден хит подготвен за жешка фестивалска ноќ. Во Будва ни пристигнува човекот зад песните кои е невозможно да не ги препознаете уште на првите три такта – и овој пат „Tuesday” нема да се слуша преку звучници, туку ќе грми од сцената на Си Денс.
А тешко е да се замисли подобра локација за „Đe se kupaš?” од самата плажа во Бечиќи. Омиленото хип-хоп дуо од Црна Гора „Ху Си” ќе го изведе еден од своите најпрепознатливи хитови практично таму каде што му е местото. Локален шмек на целата приказна додаваат и „Бед Копи” со „Esi mi dobar?“, песна која со години има култен статус меѓу регионалната публика.
Од поп-хитовите на Џон Њуман кои бројат милијарди, актуелните синглови на Хугел кои ги рушат сите рекорди, преку победничката песна на Евровизискиот натпревар, до техно класиците, регионалните химни и песните кои ја креваат публиката уште од првите тактови, овој викенд „Си Денс” во Будва ги носи најголемите хитови кои со години го освојуваат светот. Овој пат, сите тие песни пристигнуваат на едно место, на плажата во Бечиќи, каде што саундтракот на целото лето конечно ќе го добие својот најгласен рефрен.
Информациите за целосната програма, распоредот, влезниците и правилата на фестивалот се објавени на официјалната веб-страница: https://exit2montenegro.me/secure-your-spot/ .
