Најмалку две лица загинаа, а четири се повредени откако ученик отвори оган во училиште во Тајланд, потврдија локалните власти. Нападот се случи во округот Банг Круаи, во покраината Нонтабури, северно од Бангкок. Ученикот застрела еден наставник, а потоа си го одзеде сопствениот живот. Полицијата веднаш ги блокираше пристапите до објектот и започна истрага за мотивите зад трагедијата.

Потполковникот Дечрапи Конгди, командант на полицијата во покраината Нонтабури, изјави за медиумите дека осомничениот за пукањето бил ученик во истото училиште. По пукањето во кое загина еден наставник, тој извршил самоубиство на местото на настанот.

Student shooter dies by suicide after Nonthaburi school attack; 2 dead, up to 20 injured

A student believed to be the shooter in the attack at Debsirin Nonthaburi School in Bang Kruai district died by suicide after opening fire inside the school on Friday, according to officials… pic.twitter.com/ji5sky38tN

— Thai Enquirer (@ThaiEnquirer) August 7, 2026

Според полициските информации, меѓу четирите повредени лица се наоѓаат уште еден наставник и тројца ученици. Сите повредени се пренесени во најблиските медицински установи, каде што им се укажува итна помош.

Полициски екипи и медицински служби брзо пристигнаа на терен за да ја обезбедат областа и да овозможат евакуација на преостанатите ученици и персонал. Властите сè уште ги утврдуваат сите околности, како и начинот на кој ученикот дошол до огненото оружје.

Овој трагичен инцидент повторно ја отвора дебатата за контролата на оружјето и безбедноста во образовните институции во Тајланд, каде што во изминатите години беа забележани повеќе случаи на масовно насилство со огнено оружје.