Начинот на исхрана не е единствениот фактор што влијае на здравјето, но експертите предупредуваат дека важно е внимание да се обрне и на кујнските предмети што секојдневно ги користиме. Онколозите сè почесто укажуваат дека одредени садови за готвење можат да испуштаат штетни материи, особено ако се стари или оштетени.

Лекарите посочуваат дека најголемо внимание треба да се обрне на нелепливите тави и тенџериња со тефлонски премаз. Постарите модели, особено произведени пред 2013 година, често содржеле хемикалија позната како PFOA, која припаѓа на групата таканаречени „вечни хемикалии“ – PFAS.

Истражувањата покажуваат дека долготрајната изложеност на овие супстанци може да биде поврзана со зголемен ризик од одредени видови рак, особено рак на бубрези, а можно и рак на тестиси. Сепак, експертите нагласуваат дека паника не е потребна, туку внимателно користење на ваквото посуђе.

Најголем проблем претставуваат старите и изгребани тави. Кога заштитниот слој е оштетен или кога тавата се загрева на многу високи температури, можно е да се ослободуваат штетни испарувања и честички кои можат да завршат во храната.

Според лекарите, модерните нелепливи тави се побезбедни, но и кај нив се препорачува претпазливост. Не треба да се користат на екстремно висока температура, а садовите со видливи гребнатини треба навреме да се заменат.

Како побезбедна алтернатива, стручњаците препорачуваат садови од леано железо, јаглероден челик или емајлирано железо, кои не содржат хемиски премази и имаат подолг рок на употреба.