Земјотрес со јачина од 3,9 степени според Рихтеровата скала е регистриран денес во 09:46 часот во југоисточна Србија, со епицентар во близина на градот Лесковац. Според достапните податоци, потресот бил почувствуван во поширокото подрачје на југот од земјата. Епицентарот се наоѓал на околу 6 километри од центарот на Лесковац, на географски координати 42,95 северна ширина и 21,91 источна должина.

Хипоцентарот, според Европско-медитеранскиот сеизмолошки центар, бил на многу мала длабочина – приближно 0 километри под површината, што придонело земјотресот да биде поинтензивно очувствуван. Засега нема информации за материјална штета или повредени лица, а надлежните служби ја следат состојбата на терен.

Станува збор за плиток земјотрес, поради што бил силно почувствуван низ целиот регион на јужна Србија.