Системот „Безбеден град“ во периодот од 16 до 22 февруари 2026 година регистрирал вкупно 4.910 сообраќајни прекршоци преку камерите поставени низ градовите и долж главните сообраќајни коридори.
Најголем дел од прекршоците се однесуваат на брзо возење – дури 4.691 возач управувал со возило со брзина над дозволената. За минување на црвено светло се евидентирани 16 прекршоци, што е значително помалку во споредба со минатата недела (33) и првата недела од месецот кога биле регистрирани 163 случаи. Дополнителни 203 прекршоци се однесуваат на управување со возило без важечка сообраќајна дозвола.
Полицијата изрекла и 117 мерки „забрана за управување со возило“, од кои 101 поради брзо возење и 16 поради минување на црвено светло. Во рамки на прекршоците за брзина, 75 возачи се движеле со повеќе од 80 км/ч во населено место, 19 возеле над 10 км/ч над дозволеното, а седум возачи биле фатени со брзина поголема од 170 км/ч на ненаселено место.
Податоците укажуваат дека несоодветната брзина останува една од најголемите опасности на патиштата, поради што надлежните повторно апелираат до возачите да ги почитуваат сообраќајните правила и да придонесат за поголема безбедност.
