На 11 мај во 12 часот во Градскиот парк, на сцената „Школка“, ќе биде организиран концерт насловен како „Шопен под отворено небо“, каде ќе настапи македонскиот познат пијанист Дино Имери. Концертот е од отворен тип и е организран од Амбасадата на Полска по повод одбележување на Денови на полското наследство во Република Северна Македонија.
Во рамки на Деновите на полското наследство се одбележува и месецот на полска литература со продолжување на проектот „Полска на полица“ и дарување на книги од полски автори на библиотеките низ земјата.
Во склоп на ова се организира конкурс за деца на возраст од 5 до12 години кои ќе треба да нацртаат книжевен лик од книга од полски автор која ќе ја прочитаат и за возрасните читатели кои ќе треба да напишат рецензија на прочитана книга од полски автор. Планирани се и средби со автори и тоа за возрасни на 13 мај во 19 часот во Градската библиотека „Браќа Миладиновци“- Скопје средба со Војќех Јагиелск и за деца на 16 мај во 17 часот во Градската библиотека „Браќа Миладиновци“- Скопје средба со Роксана Јенджејевска – Врубел
Планирана е и изложба на детските цртежи од конкурсот,по завршување на истиот, во јуни.
На 23 мај 2024 г. во 11 часот, во Културно информативниот центар (КИЦ-Скопје), Амбасадата на Република Полска во Скопје во соработка со Добредојде Македонија го организираат настанот „Polish tea/coffee morning“.
