Ако забележавте дека не ви оди баш најдобро во поглед на сексот, можеби е време да промените нешто. Посветете се на предиграта, ослободете се од предрасудите и уживајте.
Во долгите врски сексот може да падне ниско на листата на приоритети, или да се намали квалитетот на сексуалното задоволство, бидејќи често влегуаваме во рутина. Ослободете се од рутината, додадете малку спонтаност, само така вашиот сексуален живот повторно ќе заживее.
Комуницирајте
Комуникацијата е неопходна за да можете подобро да разберете што му треба на вашиот партнер. Со разговор создавате чувство на доверба, што е важен дел од секоја врска. Се обидувате да воспоставите граници, бидете јасни кога станува збор за динамиката на сексуалниот однос. Основата за одличен секс е одличната комуникација. Колку повеќе комуницирате, толку е подобра предиграта, сексот и се после тоа.
Не ја заборавајте предиграта
Предиграта е многу повеќе од орално задоволство пред самиот сексуален чин. Тоа е форма на сексуална (или несексуална) активност која ве става во фантастично расположение пред воопшто да дојде до врска помеѓу две лица.
Предиграта може да започне неколку часа пред вашата сексуална средба и е одличен начин да го подобрите сексот и интимноста во вашата врска надвор од спалната соба. Тоа може да ви помогне да ја доведете вашата сексуална желба до такво ниво што едвај чекате да се најдете насамо.
Користете секс играчки
Користењето сексуални помагала за време на сексуалниот однос може да го подобри уживањето со вашиот партнер. Секс играчките ја отвораат вратата за многу забава и истражување. Има многу играчки за различни намени.
Има некои кои можете да ги користите додека партнерот ве гледа, кои партнерот може да ги употреби врз вас (и обратно), па дури и некои кои можете да ги користите заедно за време на предиграта и сексот. Затоа изберете играчка и забавувајте се.
Бидете спонтани
Со текот на времето, сексот може да стане малку монотон. Бидете спонтани и зачинете ги работите. Сексот (и врската) постојано нека бидат забавни и возбудливи. Закажете секс, а сепак бидете опуштени. Како? Изберете случаен датум и време, а останатото нека се случи спонтано.
Уживајте во моментот
Забавувајте се и не дозволувајте да размислувате за постигнување оргазам секогаш кога водите љубов. Изгубете се во моментот за целосно да се препуштите и опуштите.
Уживајте во секое чувство, допир, скокоткање, бакнеж… Со поместување на фокусот ќе доживеете максимално задоволство.
