Пожар избувна утрово во зградата на Амбасадата на Пакистан во белградската населба Дедиње, што предизвика вознемиреност кај жителите на овој дел од српската престолнина.

На фотографии и видеоснимки објавени на социјалните мрежи се гледа густ чад кој се издига од еден од горните катови на дипломатското претставништво.

Засега не е познато што го предизвикало пожарот, ниту како избувнал. Надлежните служби сè уште немаат објавено официјални информации за причините за инцидентот.

Во моментот нема податоци за евентуално повредени лица, а не е познат ниту обемот на материјалната штета.

Повеќе детали се очекуваат по завршувањето на увидот и истрагата на надлежните органи.