Поројниот дожд и силниот ветер што го погодија Скопје предизвикаа поплава и на Меѓународниот аеродром Скопје. На видеоснимките од терен се гледа како водата продрела во внатрешноста на аеродромските објекти и во просториите за патници. Ова е уште еден од низата проблеми што ги предизвика силното невреме во главниот град.

Силниот дожд што брзо се излеа врз Скопје, проследен со силен ветер, создаде големи количини вода што ги зафатија влезните делови на аеродромот. Видеоснимките објавени на социјалните мрежи покажуваат како водата се движи низ внатрешните простории, додека присутните се обидуваат да ги избегнат поплавените површини.

Видео: Слободен печат

Поплавувањето на аеродромот следува по силното невреме со оркански ветер што собори десетици дрвја, оштети покриви и создаде сообраќаен метеж низ повеќе скопски населби.

Додека градските служби и Кризниот штаб интервенираат низ улиците, водата во аеродромските простории предизвика дополнителни потешкотии во нормалното функционирање на објектот.