Пентагон објави дека постигнал договор со седум водечки компании за вештачка интелигенција, со цел нивните напредни системи да се користат во доверливи мрежи на американското Министерство за одбрана. Меѓу компаниите кои ќе бидат интегрирани се OpenAI, Google, Microsoft, Amazon Web Services, NVIDIA и SpaceX.
Според соопштението, овие технологии ќе се користат за подобра анализа на податоци, зголемување на ситуациската свест и побрзо донесување одлуки во сложени воени операции. Целта е трансформација на американската војска во сила која се потпира на вештачка интелигенција.
Во исто време, компанијата Anthropic е во спор со Пентагон поради несогласувања околу безбедносните механизми и начинот на користење на нивните ВИ алатки. Поради тоа, Пентагон привремено ја означил како ризична и ја забранил нејзината употреба.
Договорите, според извештаите, им овозможуваат на американските власти да ги користат овие технологии за „секоја законска владина цел“, што отвора ново поглавје во примената на вештачката интелигенција – директно во воени и безбедносни операции.
