Кривичниот суд денеска донесе одлуки за изрекување мерки за обезбедување на лицата опфатени со истргата за проневера во Фудбалската федерација на Македонија.

Во 30-дневен притвор одат поранешниот претседател на ФФМ Илчо Ѓорѓиевски и уште две лица со иницијали О.М. и Ѓ.Ч.

Куќен притвор им е определен на Н.Л., И.П., И.Ш.,С.Т. и К.А, а мерки на претпазливост на Т.П., Ј.Д., Д.Ј. и Е.Н.

Од Кривичниот суд информираат дека дополнително судот треба да се произнесе за мерките што треба да се донесат за петмината кои се во бегство, односно за определување на мерка притвор за двајца и мерки на претпазливост за три лица.

Во акцијата на Обвинителството за организиран криминал и корупција опфатени се 18 лица од кои 12 се приведени. Од 12-те приведени, Обвинителството бараше притвор за осум и мерки за претпазливост за четири лица. Тие се сомничат за проневера на повеќе од 180 милиони денари во ФФМ.