Како жители во малите гратчиња на нашата татковина, понекогаш може да се осетиме како ноќниот живот да не ни е доволно развиен. Кога луѓето ќе се претрупаат со разни обврски колку да го пројдат времето, секојдневието станува штуро и монотоно. На младите им е потребно да се размрдаат танцувајќи едни со други, а да се расположат дружејќи се едни со други. Ова лето сакаме да ви помогнеме да ги пронајдете фестивалите кои ќе ви овозможат да го направите токму тоа, а да не барате многу далеку.
Ако сакате да ги опуштите умот и телото, мора да ги погледнете овие неколку фестивали, кои се случуваат блиску до нас.
In Music Festival
INmusic фестивалот се одржува на островите на езерото Јарун во Загреб, Хрватска, со кампус на островите Трешњевка и Универзијада. Основан во 2006 година, фестивалот расте и е опишан како „Вудсток на 21 век“. Кампусот нуди доволно место за секого, топли тушеви, WiFi, и разни спортски и културни активности, како што се возење кајак, пливање, фудбал, одбојка, пинг-понг итн.
Сто илјади музички гости го украсија главниот стејџ во последните тринаесет години, а колку да наброиме само неколку: The Cure, Kings Of Leon, Arctic Monkeys, Nick Cave and The Bad Seeds, Queens of The Stone Age, PJ Harvey, The Black Keys, Pixies, New Order, Moby, Lily Allen, Iggy & The Stooges, Kraftwerk, Billy Idol, Massive Attack, Morcheeba, The Prodigy, Alice in Chains, Jamiroquai, Cypress Hill, Sonic Youth…и уште многу други.
Kala Festival
Kala е музички фестивал што се одржува во Дерми, прекрасна локација, плажа на албанското приморје. Можете да очекувате нон-стоп класични Хаус-Техно журки, со ДЏ сетови што траат со саати, но Kala Festivalot нуди и музика во живо од артисти како Kokoroko, Stella & The Longos, Voilaaa..итн. Искуството на фестивалот е внимателно осмислено да овозможи уживање на плажата паралелно со музиката.
ION festival
Доколку сакате да го доживеете класично фестивалско искуство, но нејќете да поминете цела недела без да легнете на удобен душек, ION Festival е за вас. Бидејќи ви нуди сместување во хотел, со приватност и свежина ќе можете да се одморите и да го поминете вашиот одмор во Албанија. Притоа, ION Festival трае 7 дена, во селото Дерми, Албанија. Во тие 7 дена, огромниот број на ДЏ артисти ќе ви пружат журакџиска атмосфера која не застанува.
Sea Dance in Exile – Festival
Деветтиот Sea Dance фестивал нема да се одржи во Црна Гора. Наместо тоа, специјалното издание под симболичниот слоган “Sea Dance in Exile” ќе се одржи од 17 до 19 август на најубавиот дел на северниот Јадран — златниот остров Крк во Хрватска. Крк располага со кристално чисти плажи и повеќе од 200 сончеви дена годишно.
На ова парче рај на Земјата, луѓето ја третираат природата, културата и историското наследство со посебна внимателност, па затоа од јуни 2005 година, овој хрватски остров функционира како „Еко Остров Крк“. Едно од најсончевите места во Европа, Крк исто така е една од најатрактивните туристички дестинации на Јадранското крајбрежје, весел карусел на звуци, бои и ароми!
ULTRA Europe
Ultra Europe Festival е еден од најголемите и најпознатите електронски музички фестивали во светот. Фестивалот се одржува во различни локации, но најчесто се организира во Хрватска, со Сплит како една од главните локации. Во текот на фестивалот, посетителите имаат можност да уживаат во настапи на светски познати ДЏ изведувачи.
Ultra Europe Festival е дел од светски познатата серија на Ultra Music Festivals, кои се одржуваат во различни градови низ светот. Фестивалот е познат по своите енергични настапи, впечатливи визуелни ефекти и широк спектар на електронски музички жанрови, вклучувајќи EDM (Електронска Денс Музика), техно, хаус и др.
Lovefest
Lovefest е музички фестивал кој годинава се одржува во Врњачка бања, Србија. Овој фестивал е познат по својата позитивна енергија и возвишувачка атмосфера, како и пошироката палета на музички жанрови кои се претставени во текот на настапите.
Фестивалот се организира секоја година и обично вклучува настапи на многу домашни и меѓународни изведувачи, вклучувајќи ги различни стилови на електронска музика. Фестивалската локација, заедно со креативните арт и светлосни инсталации, допринесуваат кон уникатното искуство на посетителите.
