Аргентина поведе со 1:0 против Австрија во натпреварот од второто коло во групата Ј на Светското првенство, а стрелец на историскиот гол беше Лионел Меси. Капитенот на светските шампиони погоди во 38. минута и со тоа испиша нова страница во фудбалската историја. Ова беше негов 17-ти гол на светските првенства, со што го надмина германскиот напаѓач Мирослав Клосе, кој досега го држеше рекордот со 16 погодоци.

Меси уште во првото коло се израмни со Клосе, постигнувајќи хет-трик во победата на Аргентина од 3:0 против Алжир. Само неколку дена подоцна, аргентинската суперѕвезда успеа и официјално да стане најдобриот стрелец во историјата на мундијалите.

Пред погодокот, Меси имаше уште неколку одлични можности, вклучително и промашен пенал и неколку опасни удари кои беа запрени од австрискиот голман и одбраната. Аргентина, актуелен светски шампион, важи за еден од главните фаворити за освојување на групата, а новиот рекорд на Меси дополнително го одбележа натпреварот против Австрија.

На 39 години, аргентинскиот маестро продолжува да руши рекорди и да ја збогатува својата извонредна кариера, која веќе го вбројува меѓу најголемите фудбалери на сите времиња.