Училиштата во Загреб повторно се соочуваат со пријави за бомби – утрово беше евакуирано Стручното училиште за претприемништво, а полицијата потврди дека постапува по новата пријава. Нови пријави за експлозивни направи пристигнаа во повеќе училишта на подрачјето на Загреб, но и во Задар и Сплит.
Ова е продолжение на бранот лажни пријави кој ја зафати Хрватска во изминатите недели. Пријавите за подметнати експлозивни направи во училишта и трговски центри во Хрватска и соседните земји масовно пристигаат веќе неколку недели, а досега сите се покажале лажни. Во петокот, поради пријави за бомби, беа евакуирани училишта во Загреб и Дубровачко-неретванската жупанија.
Министерот за внатрешни работи Давор Божиновиќ истакна дека ваквите пораки доаѓаат од странство и дека хрватските служби интензивно соработуваат со меѓународните партнери, вклучувајќи Европол и американски агенции, со цел откривање на сторителите. страгата е во тек, а идентитетот на испраќачите сè уште не е утврден.
