Јапонските автомобилски производители, меѓу кои и Honda се соочуваат со една од најтешките кризи во својата историја, додека глобалната индустрија брзо се трансформира кон електрични и софтверски возила.
Извршниот директор на Хонда, Тошихиро Мибе, најави дека компанијата би можела да забележи прв нето-годишен загуба уште од 1957 година, предупредувајќи дека јапонската автомобилска индустрија се наоѓа „на работ на пропаст“.
Целиот сектор бележи значителен пад на глобално ниво. Уделот на јапонските производители опаднал од 31% на 26%, додека конкуренцијата, особено од Кина, брзо напредува. Во Југоисточна Азија, традиционалното упориште на јапонските брендови, пазарниот удел паднал од 68% на 57% во само две години.
Електричните возила ја менуваат играта
Клучниот проблем е доцнењето во електрификацијата. Додека глобалниот пазар на електрични возила порасна од 3% во 2019 година на 26% денес, јапонските компании сè уште се фокусирани на хибриди и класични мотори. Автомобилите денес сè повеќе стануваат „компјутери на тркала“, каде софтверот и системите за помош при возење играат клучна улога – област во која Јапонија заостанува зад конкуренцијата.
Притисок од конкуренцијата
Особено силен е притисокот од кинеските производители, кои брзо ги освојуваат глобалните пазари со поевтини и технолошки напредни електрични возила.
Во исто време, високите трошоци за истражување, развој и производство дополнително ја отежнуваат состојбата, со пораст на фиксните трошоци по возило за дури 78% во последната деценија.
Toyota како исклучок
Единствен светол пример во индустријата останува Тојота, која успеа да ја задржи стабилноста преку доминација во хибридната технологија и стратешки партнерства со компании како BYD. Компанијата се очекува да ја засили својата понуда на електрични возила до 2027 година, што би можело да ја зацврсти нејзината позиција на глобалниот пазар.
Обидите за консолидација, вклучително и потенцијално спојување меѓу Хонда и Нисан, не успеаја поради несогласувања и преклопување на производните линии. Компаниите сега се обидуваат да соработуваат преку заеднички стандарди и синџири на снабдување, особено во сегментот на батерии и суровини.
🔎 Индустрија на крстопат
Јапонската автомобилска индустрија се наоѓа на критична точка меѓу традицијата и брзата технолошка трансформација.
Ако не се прилагоди брзо на новите трендови во електрификацијата и дигитализацијата, ризикува да го изгуби својот глобален статус кој со децении го градела како еден од лидерите во автомобилскиот свет.
