Објавен е трејлерот за новата авантуристичка серија на Нетфликс, Bandidos. Во него публиката следи група крадци кои тргнуваат во вистинска авантура на Карибите. Шоуто на серијата на стриминг сервисот ќе започне на 13 март.

По откривањето на древна мапа, Мигел (Алфонсо Досал), Лили (Естер Експосито), Вилсон (Хуан Пабло Медина) и други бандити тргнуваат во опасна авантура на Карибите за да се обидат да најдат богатство што е изгубено со години. Дали ќе успеат со малку среќа и импровизиран план, ќе видиме.

Покрај гореспоменатите актери, во седумте епизоди од серијата се појавуваат и Мејбел Кадена, Андрес Баида, Николас Фуртадо, Сара Николс, Луис Херардо Мендез и Бруно Бичир.

Откако беше објавен трејлерот за серијата, луѓето во коментарите напишаа дека серијата ги потсетува на Индијана Џонс.

„Не гледаме доволно „авантуристички“ филмови и серии, ова навистина ме заинтригира“, „Ова изгледа како некој да ги комбинира Индијана Џонс и Uncharted, одлично е“, „Ова изгледа навистина добро“, „Не знам зошто , но ова малку ме потсетува на Индијана Џонс“, „Ако Естер Експосито глуми во ова, сметајте на мене да гледам“, се дел од коментарите под видеото.

Извор: index.hr