Во Општина Илинден деновиве се реализираше хуманитарна акција под мотото „Подај рака – хумана општина Илинден“, со цел поддршка на граѓани од ранливи категории.

Акцијата се организира по повод претстојниот празник Илинден, а во нејзини рамки биле дистрибуирани околу 70 хуманитарни пакети.

Поддршка за семејствата на кои им е најпотребна

Хуманитарните пакети биле наменети за граѓани и семејства на кои им е потребна дополнителна поддршка во празничниот период.

Од Општина Илинден посочуваат дека ваквите активности имаат цел да ја поттикнат солидарноста, меѓусебната грижа и одговорноста кон најранливите членови на заедницата.

Акцијата поддржана од компании и граѓани

Градоначалникот Александар Георгиевски изрази благодарност до општествено одговорните компании и граѓаните кои со свои донации помогнале акцијата успешно да се реализира.

„Овие празнични денови се потсетник за сите нас за вистинските човечки вредности како меѓусебната поддршка“, порача Георгиевски.

Од општината нагласуваат дека хуманитарната акција е дел од напорите за создавање похумана и посолидарна локална заедница.