НУ Народен театар Битола ја најавува премиерата на претставата „Госпоѓа Бовари“, работена според романот на Гистав Флобер, во режија на Дејан Пројковски.
Премиерата е закажана за 25 јуни 2026 година, со почеток во 20 часот, на сцената на НУ Народен театар Битола.
По повод премиерата, театарот ќе одржи прес-конференција на 24 јуни, со почеток во 11 часот, на Големата сцена.
На прес-конференцијата ќе бидат претставени режисерот, актерската екипа и авторскиот тим, кои ќе зборуваат за процесот на создавање на ова сценско остварување.
„Госпоѓа Бовари“ е едно од најзначајните дела на светската книжевност, а неговото поставување на сцена носи ново читање на приказната за желбите, незадоволството, општествените очекувања и личната слобода.
Од Народен театар Битола најавуваат значаен културен настан и ги покануваат медиумите да го проследат претставувањето на новата премиера.
