Новак Ѓоковиќ успешно го започна настапот на Вимблдон, откако во првото коло го совлада кинескиот тенисер Ву Јибин со 3:1 во сетови (6:4, 5:7, 6:4, 6:4). Осмиот тенисер на светот до победата стигна по три часа и 12 минути игра.

Ѓоковиќ уште во првиот гем од воведниот сет направи брејк, предност што успешно ја зачува до крајот за водство од 1:0 во сетови. Во вториот сет двајцата тенисери сигурно ги освојуваа своите сервис-гемови сè до 12. гем, кога Ву направи брејк и со 7:5 израмни на 1:1 во сетови.

Во третиот сет повторно немаше многу шанси за брејк, а седумкратниот шампион на Вимблдон го зададе клучниот удар во деветтиот гем. Потоа сигурно сервираше за 6:4 и повторно поведе. Истото сценарио се повтори и во четвртиот сет. Ѓоковиќ направи брејк во деветтиот гем за 5:4, а потоа на свој сервис ја искористи првата меч-топка и го завери пласманот во второто коло.

Следен противник на српскиот ас ќе биде грчкиот тенисер Стефанос Циципас.