Иако често се зборува дека трендот на популарни спортски брендови се „смирува“, новите модни анализи покажуваат сосема спротивна слика – Генерација Z и понатаму масовно го избира „Адидас“.
Според модните извештаи и анализи за 2026 година, младите не се откажуваат од брендот, туку напротив го прошируваат својот избор – од класични модели како Samba, до нови и хибридни дизајни како Taekwondo, Tokyoи Superstar II, кои повторно стануваат популарни на социјалните мрежи и кај инфлуенсерите.
Во текстот се истакнува дека Генерација Z повеќе не следи само еден „хит модел“, туку комбинира различни стилови – од минималистички до ретро спортски дизајни. Оваа разновидност е една од причините зошто „Адидас“ останува доминантен бренд во нивниот избор.
Модните експерти посочуваат дека клучниот фактор е комбинацијата на удобност, носталгија и препознатлив дизајн, што го прави брендот постојано актуелен. Дополнително, соработките со познати имиња и враќањето на старите модели дополнително ја зајакнуваат неговата позиција кај младата публика.
