Европската унија сака да стане атрактивна дестинација за компании што развиваат вештачка интелигенција и градат големи дата-центри, но само доколку тие ги почитуваат строгите еколошки и енергетски правила. Брисел порачува дека технолошките гиганти се добредојдени во Европа, но нивните инвестиции мора да бидат усогласени со климатските цели на ЕУ.

„Зелен“ услов за технологијата

Европскиот комесар за енергетика Дан Јоргенсен изјави дека Европа сака да ја развива сопствената AI индустрија и да ја намали зависноста од САД и Кина, но без отстапки од зелената транзиција.

Компаниите што ќе градат дата-центри во ЕУ ќе мора да користат обновливи и чисти извори на енергија, ги намалуваат емисиите на јаглерод диоксид, ја оптимизираат потрошувачката на вода за ладење и ја искористуваат вишокот топлина од серверите.

Огромен раст на потрошувачката на енергија

Побарувачката за дата-центри нагло расте поради развојот на системи за вештачка интелигенција како ChatGPT и други големи јазични модели. Според проценките на Европската комисија, потрошувачката на електрична енергија на дата-центрите во Европа би можела да се удвои во следната деценија.

Еден од главните проблеми е тоа што овие објекти трошат огромни количини енергија и вода за ладење на серверите, што создава дополнителен притисок врз електроенергетските мрежи. Брисел предлага и нов систем за оценување на одржливоста на дата-центрите, кој би ја мери енергетската ефикасност и користењето на ресурсите.

Еден од клучните концепти е искористување на топлината што ја создаваат серверите. Според Јоргенсен, ако само дел од таа енергија се рециклира, би можеле да се загреат милиони домаќинства низ Европа.

„Тоа е ресурс што моментално се губи“, истакнуваат од Европската комисија.

Дел од технолошките компании и некои земји-членки предупредуваат дека строгите правила би можеле да ги одвратат инвестициите. Сепак, ЕУ инсистира дека растот на вештачката интелигенција мора да оди рака под рака со енергетската одржливост и климатската политика. Брисел најавува нов пакет мерки за „технолошки суверенитет“, со цел Европа да стане поконкурентна во глобалната трка за AI технологии.