Американската Управа за енергетски информации (EIA) ги зголеми прогнозите за цената на нафтата во 2026 година, предупредувајќи дека глобалните залихи на сурова нафта забрзано се намалуваат поради големите нарушувања во снабдувањето предизвикани од војната меѓу САД и Иран.

EIA сега очекува северноморската нафта „Брент“ во просек да чини 91 долар за барел во текот на годината. Тоа е речиси пет отсто повеќе од претходната прогноза, објави „Ројтерс“. Прогнозата за американската сурова нафта WTI исто така е зголемена за речиси пет отсто, на просечни 84,65 долари за барел.

Според EIA, намалувањето на светските залихи, во услови на сериозни нарушувања во снабдувањето, создава дополнителен притисок врз цените на нафтата.