Доналд и Меланија Трамп угостија деца на традиционалното делење слатки за Ноќта на вештерките во Белата куќа, а меѓу гостите се најдоа и две деца во спорни костими. Претседателската двојка срдечно пречека момче облечено во униформа налик на руска воена и девојче во руска народна носија.

„Имаше два вида униформи на прославата за Ноќта на вештерките во Белата куќа овој четврток: американски и руски советски униформи со срп и чекан. Не знам дали Американците сфаќаат, но советските симболи се забранети во многу европски земји кои порано беа под советска власт. Советскиот режим беше одговорен за огромно страдање, масовна смрт, глад, депортации, тортура и концентрациони логори. Неговите злосторства беа споредливи по обем и бруталност со оние извршени од нацистите. За многу луѓе кои живееја под овој режим, или чии семејства страдаа поради него, гледањето на српот и чеканот е подеднакво застрашувачко како и гледањето свастика или униформа на Третиот Рајх“, напиша новинарката Катерина Лисунова на социјалната мрежа Икс (X).

There were two types of uniforms at the White House Halloween celebration this Thursday: American and russian Soviet uniforms featuring the hammer and sickle. I don’t know if Americans realize this, but Soviet symbols are banned in many European countries that were formerly under Soviet rule. The Soviet regime was responsible for immense suffering, mass deaths, famine, deportations, torture, and concentration camps. Its crimes were comparable in scale and brutality to those committed by the Nazis. For many people who lived under this regime, or whose families suffered because of it, seeing the hammer and sickle is as horrifying as seeing a swastika or a Third Reich uniform.

— Kateryna Lisunova (@KaterynaLis) October 30, 2026

Момчето на себе носело маскирна јакна со ознака на тенковска единица и капа со советска воена значка, на која се наоѓале срп и чекан. Девојчето што го придружувало било облечено во сарафан — руски народен фустан со цветен дезен — и носело традиционална лента за глава.

Меланија Трамп се насмевнала додека му ја наместувала капата на момчето, а потоа двете деца добиле слатки од претседателската двојка.

Настанот, на кој главно учествуваат семејства на војници и државни службеници, беше одржан во време кога руските сили продолжуваат со нападите врз украинските градови.

Поради тоа, сцената предизвика остри критики како крајно нечувствителна кон жртвите на советскиот режим и актуелната војна во Украина. Посебно внимание привлече токму реакцијата на Меланија Трамп, која со насмевка му ја поправи капата со советското обележје на момчето.

Официјалниот пренос од Белата куќа го забележа моментот без никаков дополнителен коментар.