Денеска до 18:00 часот, на територијата на државата се регистрирани вкупно 12 пожари на отворен простор, од кои 3 се активни, 1 е под контрола, а 8 пожари се изгаснати, информира Центарот за управување со кризи.
Активни пожари има во Општина Пробиштип – атар на с. Плешинци кон с. Стрмош (ниска вегетација, грмушки и ниска шума). Општина Куманово – атар на с. Винце (сува трева) и Општина Петровец – од с. Горно Коњари кон с. Винце (сува трева, грмушки и шума).
Пожар под контрола е во Општина Кавадарци над депонијата во Росоман каде што гори сува трева.
Претходно изгаснати се пожари во општините Могила, Велес, Струга, Куманово, Гевгелија, Врапчиште и Студеничани.
