Уметничката галерија „Амам“ во Гевгелија вечерва од 21 часот е домаќин на изложбата на слики „Будна вода“ и промоцијата на истоимената книга од авторката Дијана Петкова. Настанот го организира НУ Музеј – Гевгелија во соработка со Домот на културата „Македонија“. Изложбата ќе ја отвори директорката на домот, Емилија Старделова, а поставката му е посветена на еден затечен семеен спомен.
Циклусот „Будна вода“ се состои од вкупно четириесет дела, а пред гевгелиската публика ќе бидат изложени дваесет слики изработени во техниката акрилик на платно и комбинирана техника. Трудовите се создавани во периодот од 2022 до 2025 година. Парaлелно со изложбата излегува и книгата „Разбудена вода“, која содржи дваесет хаибун-накуа и дваесет фотографии од сликите.
Целиот проект носи длабока лична нота. Петкова му го посветува овој опус на нејзината тетка Љубица Петкова, чиј живот прерано завршил, па двете никогаш ги немале истите години за да се запознаат.
Дијана Петкова е родена во Скопје, каде што завршила Филолошки факултет на групата за македонски јазик и југословенски книжевности. Нејзиниот ликовен развој се одвивал под менторство на академскиот сликар Тони Шулајковски.
Зад себе има повеќе авторски проекти, меѓу кои изложбите „Момент во денот“ и „Будна вода“, како и три онлајн поставки на платформата Artsteps. Нејзината поезија е застапена во списанијата „Современост“ и „Стожер“, во антологијата „Отчукување на срцето во македонската поезија“, како и во панорамата „Самодиви“ од Славе Ѓорго Димоски и Јулијана Величковска. Досега има објавено над десет збирки поезија, хаику и хаига. Работи и како ментор во студиото за креативно пишување во центарот „Арс вивенди“.
