Вчера во Бостон, Небојша Димиќ, Емилија Димиќ од винаријата „Душа“ и Радомир Костовски, познат како чичко Раде од Скопје, го истрчаа маратонот и уште еднаш ја раскажаа приказната што ја градат секој ден.
„И правењето добро вино е маратон. Чекор по чекор до целта,“ велат тие, зборувајќи за упорноста, дисциплината и фокусот што ги носат и во трчањето и во животот.
Но, најсилната инспирација дојде од чичко Раде, легендата од скопскиот кеј. На 71 година, со време од 4 часа и 9 минути, тој го истрча Бостон и уште еднаш покажа што значи вистинска Душа.
Им честитаме на упорноста и се надеваме дека нивната „Душа“ ќе продолжи да инспирира и надвор од патеките.
