Четири лица го загубија животот за време на прославите по победата на Мексико над Еквадор на Светското фудбалско првенство, соопштија властите.

Триесетгодишен маж починал од срцев застој по епилептичен напад и внатрешно крварење во дигестивниот систем. Други жртви загинале во стампедо кога голема толпа се собрала околу споменикот „Ангел на независноста“ во центарот на градот, пренесува Aristegui News.

Хаос во толпата

44-годишен маж и 19-годишна девојка се задушиле на улица, соопшти службата за итна помош во главниот град. Градоначалничката Клара Бругада апелираше до навивачите „да слават одговорно, внимателно и со емпатија“.

Претседателот на ФИФА, Џани Инфантино, изрази длабоко жалење за трагичните настани

Повеќе од 1600 лица побарале медицинска помош на стадионот „Ацтека“, каде што се играше натпреварот, како и на јавните прослави низ градот.

Повредите вклучуваат скршеници, несвестици и случаи на труење со алкохол.