„Ајде да летаме“ полета во 2000 година со ПМГ Колектив и вокалот на Каролина Гочева, а авторството е на незаменливиот НОВОГРАДСКА и бендиот Балкан Експрес во 1995 година . Песна со лесна меланхолија, слобода и она чувство дека некаде надвор постои нешто поголемо, подалеку и повозбудливо.
Со текот на годините песната доби уште два животи.
Верзијата на „Новоградска“ ѝ даде поинаква атмосфера и ја внесе песната во сосема нов музички простор, а ремиксот на диџеј Бабура повторно ја врати на подиумот, со нов ритам и нова енергија.
Три верзии, три различни читања на истата песна.
И токму тука е нејзината сила. Малку македонски песни успеале да поминат низ толку различни музички форми, а сепак да го задржат она по што биле препознатливи од првото слушање.
„Ајде да летаме“ денес звучи и како песна и како мало временско капсулче. За едни е директна асоцијација на крајот на деведесеттите, за други песна откриена многу подоцна, преку некоја од нејзините нови верзии.
А рефренот и натаму ја има истата работа: да те натера барем на неколку минути да заборавиш дека е понеделник.
Затоа денес: малку шизење, малку носталгија и една песна со три животи.
Ајде да летаме.
