Престижниот водич Corona Beach 100 ја вброи познатата плажа на Брач меѓу најатрактивните крајбрежни дестинации на шест континенти, оценувајќи ја не само според изгледот, туку и според природното и културното богатство.

Плажата Златни Рат на островот Брач е избрана меѓу 100-те најубави плажи во светот според овогодишното издание на престижниот водич Corona Beach 100, кој ги издвојува највпечатливите крајбрежни дестинации ширум светот.

За разлика од класичните рангирања, овој водич ги оценува плажите според нивната поврзаност со природата, културата на живот покрај морето и визуелната привлечност. Во изданието за 2026 година се најдоа 27 нови локации, а меѓу нив и хрватската плажа.

Златни Рат е препознатлива по својот необичен камчест рт, кој под влијание на ветерот, брановите и морските струи постојано ја менува својата форма. Опкружена со борова шума и кристално чисто море, таа е омилена дестинација за капачи, нуркачи и сурфери.

Авторите на водичот нагласуваат дека покрај промоцијата на најубавите плажи, целта е да се поттикне поголема грижа за зачувување на природата, крајбрежјето и локалните заедници.